ئەمەریکا بە بەهای زیاتر لە ملیارێک دۆلار کەلوپەلی سەربازی دەفرۆشێتە ئیمارات
وەزارەتی دەرەوەی ئەمەریکا پێشنیازێکی ئاراستەی کۆنگرێسی وڵاتەکەی کردووە بۆ فرۆشتنی فڕۆکە و کەلوپەلی سەربازی بە بەهای زیاتر لە یەک ملیار دۆلار بە ئیمارات.
نووسینگەی کاروباری سیاسی-سەربازی وەزارەتی دەرەوەی ئەمەریکا، لە ڕاگەیەندراوێکدا ئاماژەی داوە، وەزارەتی دەرەوەی ئەمەریکا ڕەزامەندی داوە بە بەهای ملیارێک و 400 ملیۆن دۆلار فڕۆکەی جەنگی و کەلوپەلی سەربازی بفرۆشنە ئیمارات.
هەوەها پاکێجەکە لە شەش هێلیکۆپتەری جۆری CH-47F Chinook و کەرەستەی دیکەی سەربازی بە بەهای یەک ملیار و 320 ملیۆن دۆلار لەخۆ دەگرێت.
لە ڕاگەیەندراوەکەدا باس لەوەش کراوە، ئیمارات ئەو کەلوپەلانە بۆ ڕووبەڕوووبونەوەی قەیرانە مرۆییەکان و فریاگوزارییە سەرەتاییەکان بەکاری دەهێنێت. ئاماژەشی داوە، ئیمارات هاوبەشێکی گرنگە لە سەقامگیریی سیاسی و ئابووری ئەمەریکا لە ڕۆژهەڵاتی ناوەڕاست.
وەزارەتی دەرەوەی ئەمەریکا لە ڕاگەیەندراوێکدا ئاماژەی دا، جگە لە هێلیکۆپتەرەکان، بە بەهای 130 ملیۆن دۆلار فڕۆکەی ئێف 16 دەفرۆشرێتە ئیمارات.
پەیوەندی بنووسە: