نێردەی تایبەتی ترەمپ بۆ سووریا، لەگەڵ ئەحمەد شەرع کۆ بووەوە

هەواڵ هەوالی سیاسی

---

نێردەی تایبەتی دۆناڵد ترەمپ بۆ سووریا، لەگەڵ سەرۆکی نوێی کۆماری سووریا لە تورکیا کۆ بووەوە، هەردوولا تاوتوێی جێبەجێکردنی بڕیارەکەی سەرۆکی ئەمەریکایان کرد بۆ هەڵگرتنی سزا ئابوورییەکانی سەر سووریا.

شەممە 24ـی ئایاری 2025، تۆم باراك، باڵیۆزی ئەمەریکا لە تورکیا و نێردەی تایبەتی دۆناڵد ترەمپ بۆ سووریا، لە ڕاگەیەنراوێکدا ئاشکرای کرد "لە ئیستانبوڵ لەگەڵ ئەحمەد شەرع، سەرۆکی نوێی کۆماری سووریا و ئەسعەد شیبانی، وەزیری دەرەوەی وڵاتەکە کۆ بوومەوە، تاوتوێی جێبەجێکردنی بڕیارەکەی ترەمپمان کرد بۆ هەڵگرتنی سزا ئابوورییەکانی سەر سووریا و دووبارە گەڕانەوەی خۆشگوزەرانی و ئاشتی بۆ وڵاتەکە."

باسی لەوە کرد، هەڵگرتنی سزاکانی سەر سووریا ئامانجی ئێمەیە بۆ تێکشکاندنی یەکجارەکی داعش لە وڵاتەکەدا. هەروەها ستایشی شەرعی کرد بە مەبەستی پەرەپێدانی پەیوەندییەکانی لەگەڵ ئیسرائیل.